သခင်

မေတ္တာရွှေဘုံ နန်းမှာ

သစ္စာ စိန်စီထားတဲ့ သဲပုလ္လင်ထက်က သခင်

မာနသိက္ခာ ခဝါချလျှက် ဦးထိပ်ပန်ဆင်

သက်လျာခင့်ကို ချစ်ပန်းသစ္စာ

ဆင်မြန်းစေချင်

အကျင်နာချစ်မိုး စေဖြိုးဝေလျှံ

အပယ်ခံ နှလုံးသားမဖြစ်လိုညားလဲ

ရှုမညီးဖွယ်ရာ သခင်မျက်နှာကြောင့်

ရွှေဘဝင်တော် ညှိုး မနွမ်းရအောင်

မသွေတိမ်းရှောင် ဆောင်ကျဉ်းပါလှည့်

အနက်ရှိုင်းဆုံး စံအိမ်ထက်ဝယ်

ကတိ သစ္စာ ကမ္ဗည်းတင်လျှက်

သခင့်အလိုကျ စေညွန်းရာကို

မျက်ရည်ပုလဲ လည်ဆွဲပမာ

ယုံကြည်မျက်နှိး အချစ်တန်ခိုးဖြစ်

ထွေးပိုက် လှည့်မည် သခင်

သဒ္ဓါခင်

အပြည့်အစုံသို့

နွေရယ်၊ ဥသြရယ်၊ ပန်းတောက်ရယ်၊ သင်္ကြန်ရယ်

သမုဒ္ဒရာ ဝမ်းတထွာတဲ့ 

တထွာမို့လို့ တော်သေး တတောင်ဆိုရင်တော့ဖြင့် ဝမ်းရေးအတွက် ရေကြည်ရာ မြက်နုရာ နယ်မြေသစ်ကို ရှာ ဇာတိမြေမှ ခွာ အမိအဖကို ကန်တော့ ရင်ကို ကော့၍ သလွင့်ကို ဖြတ် ဒေါနကို ကျော် သောင်ရင်းကို ကူး အနေထူးလို့ နှစ်သစ်တွေလည်း ကူးခဲ့ပြီ..... ဤဒေသမှာ မြန်မာသင်္ကြန်အငွေ့အသက် တစက်ကလေးမှ မတွေ့ရပါလား သူတို့ ရိုးရာဓလေ့က တသက်မှာ မမေ့နိုင်စရာ ဖျော်ကာ ပေါင်တာမှုန့် ပါးကို သုပ်သတဲ့ ဒို့ယဉ်ကျေးမှုနဲ့ဆိုရင် ပါး-ရှစ်စိတ်ခွဲပြီပါ...... ဒို့မြန်မာပြည်မှာ လမ်းဆုံ လမ်းခွ ရေသဘင်မဏ္ဍပ် အယိုင်းအကနှင့် ငွေဖလား ပန်းတောက်ပန်းခိုင်နှင့် သင်္ကြန်ဖူးဆာ အပြုံးမျက်နှာနှင့် တူးပုံတေးသံ ဆိုကဟန်နှင့် ရပ်ကွက်ချင်းပြိုင် တေးမြိုင်မြိုင်နှင့် သင်္ကြန်ကားမြန် ရေပတ်ခံနှင့် ပျော်ကြပါးကြ ခါနွေလှ..... နှစ်ဟောင်းက အညစ်အကြေး နှစ်သစ်မှာ ကင်းရှင်းစေဖို့ သက်ကြီးရွယ်အို ဦးခေါင်းလျှော် မြေးငယ်တစု ဒါနပြု ဇီဝိအသက် ငါးသက်စေ့ ဘေးမဲ့လွတ်ရာ မြကန်သာ သက်ကြီးရွယ်အို ဖိုးဖွားအိုတို့ ပတီးကိုလွယ် မြေးကို တွယ်လျှက် ကျောင်းကန် ဘုရား ကုသိုလ်ပွားပေါ့ ဥပုသ်သီတင်း စောင့်တည်ရင်း သေမင်းအံတု ဒါနပြု..... သင်္ကြန်ကာလ ခါနွေရက် တရွတ် သစ်ပုတ်ပင်ရဲ့ ဇေယျာ ရွက်ဝါတွေ မြေမှာ ခါတော့ အပင်အို ကိုင်းဖျားက အကျင်ဖော် မဲ့ကင်း အဖော်သတင်းမဲ့ရှာတဲ့ နွေတေးကိုဆို အလွှမ်းပို အဖော်လိုတဲ့ နွေပန်းချီထဲက (ဥသြရယ်).....  ကြုံရ ဆုံရ ဤဒေသမှာ မြန်မာသင်္ကြန်အငွေ့အသက် တစက်ကလေးမှ မတွေ့ရပါသလား အေးမြတဲ့ မိဘအရိမ့် အမှေးစက်ကာ နေချင်ရှာပေမဲ့ ဝမ်းရေးအတွက် ထွက်ခဲ့ညားလဲ ဒို့များရိုးရာ အစဉ်အလာမပျက် သင်္ကြန်ရက်ကို အလွှမ်းကိုယ်စီ အတွေးကိုယ်စီနှင့် ရော်ရီ မှန်းဆ အမွေးဌာနမှ ရိုးရာဓလေ့ ဒို့ပျော်မွေ့တဲ့ မြန်မာ့သင်္ကြန် မြန်မာ့ဟန်ကို မှန်းဆ မြင်ယောင်လွှမ်းမိ တကား.....။ မင်းစိုး

အပြည့်အစုံသို့