မဲခေါင် ငါလာတယ် မင်းဆီကို

မဲခေါင် - ငါဟာ ကဗျာဆရာ
ငါလာတယ် မင်းဆီကို
မင်းရဲ့သဘာဝအလှတရားတွေကို ခံစားဖို့
မင်းရဲ့အတွင်းရေးတွေကိုစုံစမ်းဖို့
ပြီးတော့ မင်းနဲ့ချစ်ကြည်ရင်းနှီးဖို့
မင်းဆီကို ငါလာခဲ့ပေါ့

မဲခေါင်- မင်းဟာ လူသားတစ်ယောက်နဲ့တူရဲ့
မင်းမှာ ခေါင်းရှိတယ် ခန္ဒာကိုယ်ရှိတယ်
မင်းရဲ့ အရပ်က ကီလိုမီတာ ၄၈၀၀ ရှည်လျားပြီး
မင်းရဲ့ ခန္ဒာကိုယ်ထဲမှာတော့
သွေးဆဲလ်ပေါင်း ၆၅ သန်းကျော်စီးဆင်းလှုပ်ရှားနေကြပေါ့

မဲခေါင်- မင်းဟာမင်းရဲ့ဦးခေါင်းကို
တရုတ်ခေါင်းအုံးပေါ်တင်ပြီး အိပ်စက်လဲလျောင်းနေလေရဲ့
ဒါကြောင့် ရှည်လျားတဲ့မင်းရဲ့ဆံပင်တွေဟာ
ယူနန်က ထွက်တဲ့ လက်ဖက်ခြောက်ရနံ့သင်းနေတာပေါ့

မဲခေါင်- မင်းဟာ မင်းရဲ့ ပခုံးသားတွေကိုတော့
မြန်မာပြည်တောင်တန်းကြီးတွေပေါ်မှာ မှီထားတယ်
အဲဒီ တောင်တန်းကြီးတွေက
မင်းကိုသက်တောင့်သက်သာရှိစေတယ်

မဲခေါင်- မင်းရဲ့ရင်သားအစုံကတော့
လာအိုရဲ့ ကောက်ညှင်းဆန် လယ်ကွင်းတွေလိုပါပဲလား
ဖွံ့ထွားဝင်းမှည့်ပြီး အဝါရောင်တွေသန်းလို့
မင်းရဲ့ရင်နှမွှာကြားကလည်း လာအိုကော်ဖီရနံ့တွေ သင်းလို့

မဲခေါင် - မင်းရဲ့ ဝမ်းဗိုက်ဖြူဖြူဖွေးဖွေးကတော့
ခေတ်ဆန်လှတဲ့ ယိုးဒယားမလေးတွေရဲ့
အင်္ကျီတိုတိုနဲ့ ဂျင်းန်ပန်ဘောင်းဘီကျပ်ကျပ်ကြားမှာ
လှပ်ထားတဲ့ဗိုက်သားနဲ့ တူလှရဲ့
မင်းကတော့မင်းရဲ့ဗိုက်သားပေါ်မှာ
သစ်ခွရောင်စုံတွေ စီခြယ်ထားခဲ့သပေါ့

မဲခေါင် - မင်းရဲ့တင်သားတွေကတော့
ကမ္ဘောဒီးယား အန်းကောဝပ်က သဲကျောက်တုံးကြီးတွေလိုပဲ
ကြီးမားတယ်၊ ခိုင်ခံ့တယ်၊ ဆန်းကျယ်တယ်
ပြီးတော့ အနုပညာလည်းဆန်လှသေးတယ်

မဲခေါင် - မင်းဟာ မင်းရဲ့ သွယ်လျတဲ့ ခြေတံတွေကိုတော့
ဗီယက်နန် မြစ်ကျွန်းပေါ်ဒေသက
စိမ်းစိုနေတဲ့ စပါးခင်းတွေကြားထဲမှာ
အလှပဆုံး ပုံသဏ္ဌန်နဲ့ကွေးညွတ်ခွဲဖြာချထားခဲ့လေပေါ့

မဲခေါင် - မင်းဟာ လူသားတစ်ယောက်နဲ့ တကယ်ကိုတူလှရဲ့
မင်းမှာ ခန္ဓာကိုယ် အစိတ်အပိုင်းတွေသာမက
စိတ်ဝိညာဉ်၊ အသည်းနှလုံးနဲ့ ဦးနှောက်လည်းရှိသေးရဲ့
ဒါကြောင့်လည်း မင်းခံစားတက်ခဲ့၊ မင်းဖန်တီးတက်ခဲ့
ပြီးတော့ မင်းစဉ်းစားတွေးခေါ်တတ်ခဲ့တာပါ

မဲခေါင် - လူ့ယဉ်ကျေးမှု ထွန်းကားခဲ့တဲ့
နှစ်ပေါင်း ၃၀၀၀ ကျော်အတွင်း မင်းဖြတ်သန်းရင်း
မင်းဖန်ဆင်း မင်းချန်ထားခဲ့တာတွေ အများကြီးရှိပါလား

မဲခေါင် - မင်းမှာ သမိုင်းအဖြစ်အပျက်တွေ ရှိတယ်
ရှေးဟောင်းယဉ်ကျေးမှု အမွေအနှစ်တွေရှိတယ်
ဘာသာအယူဝါဒတွေ ရှိတယ်
အစဉ်အလာဓလေ့ထုံးတမ်းတွေ ရှိတယ်
ပြီးတော့ ဒဏ္ဍာရီပုံပြင်တွေနဲ့ ကျေးလက်သီချင်းဂီတတွေရှိတယ်
ဒါတွေဟာ မင်းဖြတ်သန်းခဲ့တဲ့
မင်းဘဝရဲ့ မှတ်တိုင်တွေနဲ့ ဒိုင်ယာရီတွေပဲ

မဲခေါင် - မင်းရဲ့ ဒဏ္ဍာရီပုံပြင်တွေ ငါနားထောင်ခဲ့ရ
အထူးသဖြင့် နဂါးပုံပြင်တွေ လင်းပိုင်ပုံပြင်တွေပေါ့
နဂါးဟာ မင်းခန္ဓာကိုယ်ထဲကနေ မွေးဖွားခဲ့သလို
လူသားလင်းပိုင်ဟာလည်း မင်းရင်ခွင်ထဲမှာ နေထိုင်ဆဲပါပဲ
ဒါတွေဟာ မင်းဘဝသမိုင်းမှာ တကယ်ဖြစ်ခဲ့တာတွေပဲလား
ဒါမှမဟုတ် ပုံပြင် ဒဏ္ဍာရီသက်သက်ပဲလား
ဘယ်လိုပဲဖြစ်ပါစေ လူတွေကတော့
ဒီပုံပြင်တွေကို ဒီကနေ့အထိ ပြောနေကြတုန်း
ကြိုက်နေကြတုန်း၊ ယုံကြည်နေကြတုန်း
ငါ ကြားခဲ့ရ ငါမြင်ခဲ့ရ
ငါ့အတွက်တော့ ဒါဟာ စိတ်ဝင်စားစရာ
သဘာဝလွန် ဆန်းကျယ်မှုတစ်ခုဖြစ်ခဲ့ပေါ့

မဲခေါင် - မင်းဟာ ဗုဒ္ဓဘာသာကိုလည်း သက်ဝင်ယုံကြည်ခဲ့
ဟိန္ဒူမူလအစပြုလို့ ဗုဒ္ဓဘာသာဖြစ်လာတဲ့
ယုံကြည်ကိုးကွယ်မှု ဝိညဉ်ကို
မင်းအသွေးအသားထဲမှာ ငါတွေ့ခဲ့ရ
ဝပ်ဖူး၊ အန်းကောဝပ်၊ ပုဂံ - ရှေးဟောင်းဘုရားကျောင်းတော်ကြီးတွေ
ဒါတွေဟာရင့်ကျက်ခိုင်မာလှတဲ့ မင်းရဲ့ ယဉ်ကျေးသိမ်မွေ့မှုတွေ
ပြီးတော့ အိန္ဒိယတောင်ပိုင်းက ဆင်းသက်လာခဲ့တဲ့ ဘာသာစကား
မင်းနှလုံးသားထဲမှာ ပြောကြားနေကြ၊ ရေးသားနေကြ
ကွဲပြားပေမယ့် အခြေခံက အတူတူသာပ

မဲခေါင် - မင်းနှလုံးသားထဲမှာ
ကျေးလက်သီချင်းဂီတတွေလည်း မြူးကြွလို့
မင်းရဲ့ သိမ်မွေ့လှတဲ့ အနုပညာကို ငါခံစားခဲ့ရ
ငါ့စိတ်တွေ တိမ်းညွတ်ပျော့ပျောင်းလန်းဆန်းခဲ့ရ
မင်းရဲ့ပွဲတော်ညတွေမှာလည်း ငါပျော်ရွှင်ခဲ့ရပေါ့

မဲခေါင် - ရိုးစင်းလှတဲ့ လူမှုဘဝတွေကိုလည်း
မင်းနှလုံးသားထဲမှာ ငါတွေ့ခဲ့ရပြန်ပေါ့
မင်းရဲ့ခန္ဓာကိုယ်ကို အမှီပြုပြီး ရှင်သန်နေကြရတဲ့
လယ်သမားတွေ၊ တံခါသည်တွေ၊ လက်လုပ်လက်စားတွေပေါ့
သူတို့ဟာ မင်းရဲ့ သားသမီးတွေနဲ့ တူရဲ့
ဒါကြောင့်လည်း သူတို့က မင်းကို
“မိခင်မြစ်မကြီး” လို့ အမြတ်တနိုး ခေါ်ခဲ့ကြတာမဟုတ်လား

မဲခေါင် - တကယ်တော့လည်း မင်းဟာ
အကြင်နာတရား၊ ကရုဏာတရား၊ မေတ္တာတရားတွေ အပြည့်ရှိတဲ့
ပီဘီမိခင်တစ်ယောက်ပါပဲ

မဲခေါင် - မင်းဟာ မင်းရဲ့ ခန္ဓာကိုယ်ပေါ်မှာ
တောင်တန်းတွေ၊ သစ်တောတွေ၊ လယ်ကွင်းတွေ
မြစ်လက်တက်တွေ၊ ရေလယ်သောင်ကျွန်းတွေ၊ ရေတံခွန်တွေ
ပြီးတော့ ရိုးစင်းတဲ့ လူမှုဘဝတွေနဲ့
သဘာဝအလှတရားကို ဖွဲ့သည်းထားခဲ့ရဲ့
မင်းရဲ့ အလှတရားမှာ ဘာခေတ်မီဆန်းသစ်မှုတွေမှ မပါ
သဘာဝ သဘာဝအတိုင်းသာ ဖွဲ့စည်းထားခဲ့
ရိုးစင်းမှုဟာ အဆန်းကျယ်ဆုံးနဲ့ အလှပဆုံးဆိုတာ
အခုတော့ ငါတော့ ငါ သိခဲ့ရပြီ

မဲခေါင် - မင်းနှလုံးသားနဲ့ မင်းခန္ဓာကိုယ်ဟာ
အမှန်တကယ်ကို လှပလွန်းရဲ့
ဒါပေမယ့် မင်းရဲ့ ခန္ဓာကိုယ်ပေါ်မှာ
ဒဏ်ရာ အနာတရ တချို့ဖြစ်နေတာကိုလည်း ငါတွေ့ခဲ့ရ
မင်းရဲ့ သွေးကြောတချို့ပိတ်နေတာကိုလည်း ငါစုံစမ်းသိရှိခဲ့ရ
ဘယ်သူတွေကများ မင်းကို အနာတရဖြစ်အောင် လုပ်နေကြသလဲ
ဘယ်သူတွေကများ မင်းရဲ့ သွေးကြောတွေကို ပိတ်ဆို့နေကြသလဲ
ငါသိပြီ - လူတချို့က မင်းကို ပိုပြီး တိုးတတ်ခေတ်မီအောင် ဆိုပြီး
ခေတ်မီနည်းပညာတွေနဲ့ အလှဆင်ပေးချင်နေတာကိုး
မင်းရဲ့မျက်နှာပေါ်မှာ မိတ်ကပ်တွေ လူးပေးချင်နေကြတာကိုး
ရိုးသားတဲ့ မဲခေါင်ရေ
သူတို့ကို မယုံစားလိုက်လေနဲ့
သူတို့က မင်းရဲ့ ခန္ဓာကိုယ်ပေါ်မှာ
ခေတ်မီ အဝတ်အစားသစ်တွေ ဝတ်ဆင်ပေးပြီး
မင်းကို ဈေးကွက်တင်ကြမှာ၊ ရောင်းစားကြမှာ
မိစ္ဆာတွေလို မင်းရဲ့ သွေးတွေကို စုပ်ပြီး အမြတ်ထုတ်ကြမှာ
မင်းရဲ့ အပျိုရည် သဘာဝတရားကို ဖျတ်ဆီးပစ်ကြမှာ

မဲခေါင် - ဒီမှာ ငါ ပြောမယ်
သူတို့ကို မယုံကြည်လေနဲ့
ခေတ်ဆန်ပြီးလည်း မလှချင်ပါနဲ့
ဒီလိုမှ မဟုတ်ရင်တော့
မင်းရဲ့ သဘာဝ အလှတရားဟာ ပျက်စီးသွားလိမ့်မယ်
မင်းရဲ့ ခန္ဓာကိုယ်ဟာ ခမ်းခြောက်သွားလိမ့်မယ်
မင်းရဲ့ ဘဝဟာ သေဆုံးသွားလိမ့်မယ်

မဲခေါင် - မင်းသေလို့တော့ မဖြစ်ဘူး
မင်းသေသွားရင်
မင်းရဲ့ သမိုင်း၊ မင်းရဲ့ ယဉ်ကျေးမှု
မင်းရဲ့ သားသမီးတွေ အားလုံးသေဆုံးသွားလိမ့်မယ်

မဲခေါင် - ငါဟာ မင်းရဲ့ ဈာပနကို မမြင်ချင်ဘူး
ကျန်းမာသန်စွာ လှုပ်ရှားနေတဲ့
မင်းရဲ့ သဘာဝအလှတရားကိုသာ ငါထာဝရမြင်လိုတယ်
ဒါကြောင့် ငါ မင်းကို ကယ်ဆယ်ရလိမ့်မယ်

မဲခေါင် - ငါလာတယ် မင်းဆီကို
ငါဟာ သဘာဝပတ်ဝန်းကျင် ထိန်းသိမ်းတဲ့
ပညာရှင်တစ်ယောက် မဟုတ်ဘူး
ငါဟာ ကဗျာဆရာဆိုတာ သဘာဝတရားကို
သူများတကာထက်ပိုပြီး ချစ်မြတ်နိုးတတ်တဲ့သူ မဟုတ်လား။ ။

မင်းထက်မောင်